Сайтимизда чоп этилган мақолага Сӯх тумани ҳокими ӯринбосари муносабат билдирди
Кеча сайтимизда "Сӯх туманида уй-жойга мӯҳтож хотин-қизлар мавжуд эмас" номли мақола чоп этилган. Мазкур мақола Сӯх туманида бӯлиб ӯтган сессияда туман Оила ва хотин-қизлар бӯлими томонидан тақдим этилган маълумотларга таяниб чоп этилган эди. Мақола эълон қилингач, жамоатчилик томонидан кӯп муҳокамаларга сабаб бӯлди. Ушбу масалага Сӯх тумани ҳокими ӯринбосари, Оила ва хотин-қизлар бӯлими бошлиғи Мадинахон Сафарова ойдинлик киритди. Унинг сӯзларига кӯра, 5 тоифага уй-жойга мӯҳтож эҳтиёжманд хотин-қизлар деб, 1 гуруҳ ногирон нотурар жойларда истиқомат қилаётган, доимий яшаш учун турар жойи бўлмаган, хусусий уй-жой фондида ижара ҳуқуқи асосида истиқомат қилаётган эҳтиёжманд хотин-қизлар киритилади.
Сӯх туманида чиндан ҳам нотурар жойларда истиқомат қилаётган биринчи гуруҳ ногирон, доимий яшаш учун жойи бӯлмаган, хусусий уй-жойда ижарага яшаётган эҳтиёжманд хотин қизлар мавжуд эмас.
“Kishvar.Uz” yangiliklarini “Telegram”da kuzatib boring