Сўх тумани прокурори ташаббуси билан сектор штаби биносида навбатдаги меҳнат ярмаркаси ташкил этилди. 

Унда тумандаги 12 та корхона ва ташкилотлар 70 га яқин бўш иш ўринлари билан қатнашди. 

Тадбир давомида 14 нафар ишсиз фуқароларни ишга жойлашиши ва 15 нафар хотин-қизларни касб-ҳунарга ўқиши учун йўлланмалар берилди ҳамда 9 нафар фуқаро ҳақ тўланадиган жамоат ишларига жалб этиладиган бўлди.  

Ушбу куни "Аёллар дафтари" рўйхатига киритилган 10 нафар хотин-қизларга тадбиркорлик фаолиятини бошлаш ва ўзини ўзи банд қилиш учун тикув машиналари ҳам топширилди.