Қозоғистоннинг Ақмола вилоятида йўлда қолиб кетган 64 нафар ўзбекистонлик йўловчилар эвакуация қилинди. Йўловчилардан 17 нафари болалар бўлган. Бу ҳақда Кazinform хабар берган.
Ақмола Фавқулодда вазиятлар департаменти матбуот хизмати маълумотига кўра, 15 февраль куни “Астана-Челябинск” йўналишида ҳаракатланаётган йўловчи автобус «Жақси-Есил-Бузилиқ» йўлидаги Жақси қишлоғи яқинида бузилган.
Хабарга кўра, туман қутқарувчилари Аяз Мақашев ва Сайлаубек Қазжимуратов зудлик билан чақирув жойига етиб боришган ва автобусда бўлган 64 нафар йўловчини Жақси қишлоғидаги 1-сонли ўрта мактабда жойлашган исиниш жойига олиб кетишган. Йўловчилар тиббий ёрдамга муҳтож бўлмаган.
“Kishvar.Uz” yangiliklarini “Telegram”da kuzatib boring