Сӯх тумани ҳокими ӯринбосари Вашингтонда Ӯзбекистон элчиси билан учрашди

Қишлоқ хўжалиги соҳасида илғор тажрибаларни ўрганиш ва уларни амалда татбиқ этиш учун маслаҳат ва таклифлар ҳам алоҳида ўринга эга.
 
Америка қўшма штатларида бўлиб турган қишлоқ хўжалиги вакилларидан иборат делегация Вашингтонда жойлашган Ўзбекистон Республикасининг АҚШдаги элчихонасида Ўзбекистоннинг Америка давлатидаги фавқулодда ва мухтор элчиси Сидиқов Фурқат Аҳмедович билан учрашдилар.

Учрашув давомида АҚШ тажрибасини ўрганган ҳолда қишлоқ хўжалигини ривожлантириш бўйича аниқ лойиҳалар ишлаб чиқиш, соҳага АҚШнинг беғараз грант маблағларини жалб қилиш ва қўшилган қиймат занжирини яратиш бўйича музокаралар олиб борилди.

Сўх тумани ҳокими ўринбосари Муслимбек Мавлонбеков ҳам ушбу учрашув жараёнида ўзининг таклифларини ўртага ташлаб, ўрганишлар жараёнида олган кўникмаларини Сўх туманида татбиқ этилишига мувофиқ шароит борлигини қайд этди.